ايقاع هاااااااااادي

الغرام الله عليه...والله الله على الغرام
ردت نبضات قلبي ... الغرام الله عليه
ابتدأ قلبي يحبه...و السهر جافى المنام
من يجيه النوم أصلاً .. و القمر ناوي يجيه
ابتديت احب و أحلم و اللي مثلي مايلام
و الله اني من لمحته قلت هذا اللي أبيه
قبل أعرفه كان فجري لونه أشبه بالظلام
من عرفته و الليالي لونها ماله شبيه
أن تكلم قال قلبي آآه يا حلو الكلام
ينتهي حكيه و أنا أجلس أنتظر شي يحكيه
لمسته يا هي حنونه يلمس الطفل و ينام
مره جاء يلمس ايديني ضاعت علومي بيديه
ضحكته عزفت موسيقى رايق و جوّه تمام
و محد يدور سببها السبب دايم وجيه
مشيته إيقاع هادي حاله بحال الحمام
قلبه أبيض من نهاره طيبته منه و فيه
صح هو يمشي لحاله لكن يسبب زحام
من هو ذنبه وش يسوي كل ها العالم تبيه
بعد كل اللي ذكرته اللي مثلي ما يلام
وش أسوي القلب شافه و قال يا ويلي عليه

بألمي
قبل
قلمي